АЛМАТЫ. 19-сәуір. Kazakhstan Today. ЕурАзЭҚ-тың бір шешуші міндеті - Шығыс пен Батыс арасында сауда көпірін құруға саяды. Бүгін Алматыда ҮІ Еуразиялық медиа-форумда сөз сөйлеген ЕурАзЭҚ бас хатшысы осындай пікір білдірді, деп хабарлайды Kazakhstan Today тілшісі.
"Біз ЕурАзия дегеніміз - Еуропа мен Азияның арасындағы көпір дегенді жиі айтамыз. Іс жүзінде сауда-саттық мәселесіне келсек, ол шынайы көпірге айнала алған жоқ. Біз қоғамдастық аясында түсінеміз және оны Шығыс пен Батыс арасында сауда көпіріне айналдыруды шешуші міндетке балаймыз",- деп мәлімдеді ЕурАзЭҚ бас хатшысы.
Г.Рапотаның хабарлауынша, дегенмен, Шығыс Азия мен Батыс Еуропа арасындағы тауар айналымы жылына 600 млрд долларға жетіп отыр. "Еуразияның аумағы арқылы осы жалпы ағынның 1 проценті тасымалданады, ал қалған бөлігі теңізбен жүреді",- деді ол.
"Егер біз оны нағыз көпірге айналдырғымыз келсе бұл ағынның көлемі анағұрлым артуға тиіс. Ал бұл толымды экономикалық ресурс. Бұл шикізатқа тәуелділіктен құтылу. Бұл экономикаларды дамытудың бір жолы",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ЕурАзЭҚ-тың бір шешуші міндеті - Шығыс пен Батыс арасында сауда көпірін құруға саяды - Рапота
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.