Еурокомиссия Қырғызстанға жаңа көмек ретінде 9 млн еуро бөледі
Еурокомиссия Қырғызстанға жаңа көмек ретінде 9 млн еуро бөледі
Бішкек. 11 желтоқсан. "Қазақстан Бүгін" - Еурокомиссия Қырғызстанға жаңа көмек ретінде 9 млн еуро бөледі, деп хабарлайды агенттік тілшісі Еурокомиссияның Қырғызстан, Қазақстан және Тәжікстандағы өкілдігінің баспасөз қызметіне сілтеме жасап.
"Еурокомиссия бұл қаржыны "секторлық саясаттағы әлеуметтік қорғауды қолдап, 2004-2009 жылдары мемлекеттік қаржыны басқару" бағдарламасы аясында көмек ретінде ұсынып отыр. Сондай-ақ, қаржыны әлеуметтік жәрдемақы жүйесін жетілдіру, балалардың денсаулығын сақтау, мемлекеттік бюджетті басқаруды жақсартуға, қысқа мерзімді мемлекеттік кепілдік бағдарламасын іске асыруға пайдалану жоспарланған", -деп хабарлайды өкілдіктегілер.
Өкілдіктің мәлімдегеніндей, 9 млн еуроның 8,5 млн бюджетті қолдауға жұмсалса, 500 мыңы-техникалық көмекке бөлінеді. Бұл Еурокомиссия мен Қырғызстан Республикасының үкіметі арасында қол қойылған қаржылық келісімде қарастырылған. Мемлекеттік бюджет бойынша грант 2008 жылы 4,5 және 4 млн еуро болып екіге бөлініп беріледі.
Секторлық саясатты қолдау жөніндегі бағдарлама Қырғызстанның азық-түлік қауіпсіздігін қолдау шаралары аясында жүзеге асып отыр, деп хабарлады Еурокомиссияның өкілдігі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.