АСТАНА. 6 - сәуір. Kazakhstan Today. Еуроодақ пен Шанхай ынтымақтастық ұйымдарының түйісу нүктесі халықаралық терроризммен, сондай-ақ есірткі транзитімен және өндірумен күрес мәселесі болуы мүмкін. Мұндай пікірін "Шанхай ынтымақтастық ұйымы: Еуроодақпен серіктестік мүмкіндіктері" тақырыбындағы халықаралық бас қосуда Еуроодақтық Орта Азиядағы арнайы өкілі Пьер Морель мәлім етті.
Қазақстан Республикасы сыртқы істер министрлігінің баспасөз қызметінің ақпараттарына сүйенсек, бас қосу сейсенбіде Германияның сыртқы саясат және германия экономикасының шығыс комитетінің бастамасымен Берлинде өткен. Оған ШЫҰ бас хатшысы Болат Нұрғалиев, Еуроодақтық Орта Азиядағы арнайы өкілі Пьер Морель, ШЫҰ қатысушы елдердің сарапшылары, герман саяси құрылымдары мен қорларының өкілдері, сонымен қатар Германия астанасындағы елшіліктер қатысты.
Бас қосу барысында ШЫҰ болашағы мен өзекті ахуалына қатысты, ЕО қоса халықаралық ұйымдармен ынтымақтасу мүмкіндіктері туралы пікір алмасылды.
Сондай-ақ, бас қосу барысында Герман экономикасының шығыс комитетінің басшысы Клаус Мангольд Германиялық және еуропалық іскерлер тобы Шанхай ұйымына мүше елдермен экономика саласы мен энергетикалық жобалардағы серіктестіктерін дамытуға үлкен қызығушылық танытып отырғандығына назар аударды. Еуропалық сарапшылар ЕО пен ШЫҰ арасындағы ынтымақтастықты ресімдеуді ұйымдастырудың әртүрлі үлгілерін айтты. Аталмыш пішімдегі кездесулерді жалғастыруға, оларды тұрақты сипатқа келтіруге екі жақты қызығушылық аталып өтті.
ШЫҰ мүше елдер өкілдерінің баяндамаларында ШЫҰ - блоктық пайымды жоққа шығаратын және де әскери-саяси құрамдас бөлігін дамытуға талпынатын жаңа үлгідегі ұйым екендігіне назар аударылды. Ұйымның басты міндеттері мүше елдерді біріктіретін кең ауқымдағы тұрақтылық пен қауіпсіздікті нығайту, терроризммен, сепаратизммен, экстремизммен, есірткі тасымалымен күрес, экономикалық ынтымақтастықты, энергетикалық серіктестікті, ғылыми және мәдени өзара ықпалдастықты дамыту болып табылатындығы айтылды. Осыған қатысты ШЫҰ басқа халықаралық құрылымдармен және мемлекеттермен өзара ықпалдастығын дамытуға дайын ашық ұйым болып табылады, деп көрсетілген СІМ хабарламасында.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еуроодақ пен Шанхай ынтымақтастық ұйымдарының ынтымақтастығының негізі терроризммен және есірткі транзитімен күрес болуы мүмкін - Еуроодақтың арнайы өкілі
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.