Еуропа Кеңесінің Парламенттік Ассамблеясы Қазақстанның ЕҚЫҰ саммитін өткізу туралы бастамасын қолдайды
Еуропа Кеңесінің Парламенттік Ассамблеясы Қазақстанның ЕҚЫҰ саммитін өткізу туралы бастамасын қолдайды
Астана. 15 наурыз. Kazakhstan Today - Еуропа Кеңесінің Парламенттік Ассамблеясы Қазақстанның ЕҚЫҰ саммитін өткізу туралы бастамасын қолдайды. Бұл туралы бүгін Еуропа Кеңесінің Парламенттік Ассамблеясының төрағасы Мевлют Чавушоглы журналистерге берген сұхбатында атап өтті, деп хабарлайды Kazakhstan Today.
"Басқа халықаралық ұйымның өкілдері ретінде біз Қазақстанның ЕҚЫҰ саммитін өткізу туралы бастамасын қолдаймыз және Қазақстан түрлі конференцияларды табысты өткізіп келе жатқанын айта кетуге тиіспін. Қазақстан ЕҚЫҰ қазіргі төрағасы ретінде биыл еуропа елдеріне жақсы үлгі көрсетуде және еуропалық құндылықтарға да, ұйымды тікелей дамытуға да өзіндік үлесін қоса алады",- деді ол.
Бұдан бұрын да хабарлағанымыздай, Еуропа Кеңесінің Парламенттік Ассамблеясының төрағасы Мевлют Чавушоглы 15 және 17 наурыз аралығында Қазақстанға іссапармен келеді деп күтілуде. Бұл туралы журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті,- деп хабарлайды Kazakhstan Today.
Сапар барысында мәртебелі қонақ еліміздің жоғары басшылығымен бірқатар кездесулер өткізеді деп жоспарланған.
Келіссөздер барысында 2004 жылы қол қойылған екіжақты келісімнің негізіндегі дамып келе жатқан ынтымақтастықтың өзекті мәселелерін талқылау көзделген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.