ВЕНА. 12-қаңтар. Kazakhstan Today. Еуропадағы қауіпсіздік және ынтымақтастық ұйымына төрағалық жасауға кіріскен Испания лаңкестікпен күреске, қоршаған ортаны қорғауға және уақытша доғарылған дау-жанжалдарды реттеуге баса назар аудармақ. Бұл туралы Еуропадағы қауіпсіздік және ынтымақтастық ұйымының төрағасы лауазымына кірісу салтанатында сөз алған Испанияның сыртқы істер министрі Мигель Ангел Моратинос мәлім етті, деп хабарлайды Kazakhstan Today агенттігінің Венадағы арнаулы тілшісі.
Испандық министр ұйым төрағасы лауазымындағы Испанияның ұстанатын басты принциптері "басымдылық, табандылық және төзімділік" екендігін атап өтті.
М. Моратиностың баяндамасының бірінші тарауы Қазақстанның 2009 жылы Еуропадағы қауіпсіздік және ынтымақтастық ұйымының төрағасы лауазымына өтініш беруін жан-жақты қолдайтындығына арналған. Бірақ, ресми баспасөз баянында бұл тарау көрсетілмеген. Испандық министр 2007 жылдың қараша айының аяғында болатын Еуропадағы қауіпсіздік және ынтымақтастық ұйымына мүше елдерінің сыртық істер министрлері кеңесінің отырысында "Қазақстанның ұйымға төраға болуға берген өтініші туралы шешімнің қабылданатындығына" сенім білдірді.
Естеріңізге сала кетейік, 2007 жылдың 1-қаңтарынан бастап Испания бір жыл мерізіммен Еуропадағы қауіпсіздік және ынтымақтастық ұйымының төрағасы болады, 2006 жылы ұйымға Бельгия төрағалық жасады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еуропадағы қауіпсіздік және ынтымақтастық ұйымына төрағалық ететін Испания лаңкестікпен күрес және қоршаған ортаны қорғауға баса назар аудармақ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.