АСТАНА. 10 - сәуір. Kazakhstan Today. Еуропадағы қауіпсіздік және ынтымақтастық жөніндегі ұйымының қазіргі төрағасы, Испанияның сыртқы істер және ынтымақтастық министрі Мигель Анхель Моратинос Қазақстанның ұйымға 2009 жылы төрағалық ету туралы мәселе оң шешімін табады деген сенімде, деп хабарлайды Kazakhstan Today агенттігінің тілшісі.
"Мен осы мәселе бойынша Мадридте өтетін министрлердің кеңесі кезінде бір пәтуаға қол жетеді деген сенімдемін",- деді дипломат бүгін Қазақстанның президенті Нұрсұлтан Назарбаевпен кездесуінің аяқталуына орай өткен брифингте.
М. Моратинос президентпен кездесуінде Қазақстанның 2009 жылы Еуропадағы қауіпсіздік және ынтымақтастық жөніндегі ұйымына төраға болуға берген өтініші туралы әңгіме қозғалғандығын хабарлады. "Бұл мәселенің шешімі басқа да шешімдер сияқты Еуропадағы қауіпсіздік және ынтымақтастық жөніндегі ұйымының аясында, үстіміздегі жылдың қараша айында Мадридте Еуропадағы қауіпсіздік және ынтымақтастық жөніндегі ұйымының сыртқы істер министрлерінің кеңесінде қабылданады",- деп еске сала кетті дипломат.
Ол Қазақстан президентінің өзімен елдің демократиялық және әлеуметтік дамуы жөніндегі жоспарлармен бөліскендігін хабарлады. "Меніңше, біз жақсы болашақтың алдында тұрмыз және де Қазақстанның ішкі саясат саласында жасап отырған қадамдарын қолдаймыз",- деп атап өтті Еуропадағы қауіпсіздік және ынтымақтастық жөніндегі ұйымының қазіргі басшысы.
Ол, сондай-ақ "Испания Еуропадағы қауіпсіздік және ынтымақтастық жөніндегі ұйымының төрағасы ретінде Қазақстанның ұйымның іс-қызметіне қосып отырған үлкен үлесін қолдайды", деп атап өтті. "Мен Қазақстан Еуропадағы қауіпсіздік және ынтымақтастық жөніндегі ұйымы шеңберіндегі көптеген мәселелердің шешімін табуға өте үлкен үлес қосады деп санаймын",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еуропадағы қауіпсіздік және ынтымақтастық жөніндегі ұйымының қазіргі басшысы Қазақстанның ұйымға 2009 жылы төрағалық етуі туралы мәселе оң шешімін табады деген сенімде
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.