АСТАНА. 4-желтоқсан. Kazakhstan Today. Еуропалық Одақ 10 жылда Қазақстан кеденін жаңалауға 2 млн. евро жұмсады. Бұл туралы бүгін Еуропалық Одақтың Қазақстандағы елшілігінің өкілі Альмут Брунхорст ханым хабарлады.
"Ынтымақтастықтың 10 жылында Еуропалық Одақ Қазақстандағы жобаларға 2 млн. евро жұмсады. Ал осы мерзімде жалпы өңірге 10 млн. евро бөлді",- деді А. Брунхорст "Қазақстанның кедендік бақылау комитетін жаңалау және модернизациялау" атты жобаның аяқталуына арналған баспасөз мәслихатында.
Ал ҚР қаржы министрлігінің кедендік бақылау комитеті төрағасының орынбасары Сержан Дүйсебаевтың айтуынша, биыл жүзеге асырылған Қазақстанның кедендік бақылау комитетін жаңалау және модернизациялау жобасының бюджеті 730 мың евроны құрады. "Биыл Еуропалық Одақ тағы да 340 мың евроны Қазақстан кеденіне арнап жабдықтар сатып алуға бөлді".
С.Дүйсебаевтың хабарлауынша, аталмыш жоба аясында Қазақстанның кеден қызметі кеден ісі саласындағы заңнамаға талдау жасау, халықаралық әуежайлардағы іріктемелі бақылау жүргізу мен тәуекелдерді талдау жүйесінің тиімділігін арттыру, кедендік аудит пен кедендік бақылау саласындағы заңнаманы жетілдіру, мамандар ресурсын басқару стратегиясының жобасын жасау тәрізді бағыттар бойынша еуропалық сарапшылардан көмек алды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еуропалық Одақ 10 жылда Қазақстан кеденін жаңалауға 2 млн. евро жұмсады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.