AСТАНА. 2 тамыз. Kazakhstan Today. Еуропалық одақ Қазақстанның Дүниежүзілік сауда ұйымына мүшелікке өтуіне қатысты мәселелер бойынша индустрия және сауда саласындағы қазақстандық сарапшылар үшін одақтың "Еуропалық одақ пен Қазақстан арасындағы әріптестік пен ынтымақтастық жөніндегі келісімнің орындалуын қолдау, ІІ кезең" атты жоба аясында Халықаралық зерттеулер институты Женевада ұйымдастырған жазғы семинарлар сериясына қолдау көрсетті. Бұл туралы Еуропалық комиссияның Қазақстандағы өкілдігінің баспасөз қызметінен хабарлады.
Баспасөз қызметінің ақпаратына сәйкес, кездесулер барысында Қазақстанның Дүниежүзілік сауда ұйымына мүшелікке өтуіне қатысты мәселелер, атап айтсақ, ауылшаруашылығы, санитарлық шаралар, субсидия бөлу, рынокқа және қаржы нарығына шығу мүмкіндіктері секілді мәселелер жан-жақты талқыланды.
ҚР индустрия және сауда министрлігінің жанындағы сауда саясатын дамыту жөніндегі орталық өкілдері Дүниежүзілік сауда ұйымына мүшелікке өтуге қатысты негізгі келісімдермен, халықаралық дауларды дамыту тәжірибесімен, ұйымға мүшелікке өтудің құқықтық жақтарымен, аймақтық келісімдермен және тариф саясатымен танысты.
Консультациялар аяқталғаннан кейін сарапшылар Женевадағы халықаралық ұйымдардың тұрақты миссиялардың өкілдерімен және Қазақстанның Дүниежүзілік сауда ұйымына мүшелікке өту барысын бақылаушылар тобының мүшелерімен кездесті.
"Еуропалық одақтың мақсаты Қазақстанның Дүниежүзілік сауда ұйымына мүшелікке өтуіне қатысты келіссөздер жүргізу мен аймақта және елде халықаралық стандарттар мен келісімдердің негізінде өзара тиімді әрі еркін сауда саясатын жүргізуге қолдау көрсету болып табылады", - деп хабарлайды баспасөз қызметі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еуропалық одақ Қазақстанның Дүниежүзілік сауда ұйымына мүшелікке өтуіне қатысты жазғы семинарлар сериясын қолдады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.