АСТАНА. 28-наурыз. Kazakhstan Today. Еуропалық Одақтың Орталық Азияға қатысты 2007-2013-жылдарға арналған стратегиясы маусым айында қабылдануы мүмкін. Бұл туралы ГФР сыртқы істер министрі (2007 жылдың бірінші жартысында ЕО-ға төрағалық етуші мемлекет) Франк-Вальтер Штайнмайер мәлімдеді.
"Стратегияны біз маусым айында қабылдауымыз мүмкін",- деді Штайнмайер бүгін "Еуропалық Одақ үштігі - Орталық Азия елдері" форматында сыртқы істер министрлерінің деңгейіндегі 4-ші кездесудің қорытындысы бойынша өткен баспасөз мәслихатында.
Оның айтуынша, құжатта Еуропалық Одақ пен Орталық Азия өңірі елдері арасындағы қарым-қатынасқа қатысты бірнеше мәселе талқыланады. "Бұл - құқықтық мемлекет құру, білім беру саласындағы бастамалар, энергетика саласындағы алмасулар және аймақтық ынтымақтастықққа қатысты тәжірибемен бөлісу",- деді Франк-Вальтер Штайнмайер. ГФР сыртиқы істер министрінің айтуынша, "Еуропалық Одақтың саясаты транспорттық бағыттар мен энергетикалық ресурстарды өндіретін елдерді әртараптандыруға саяды".
"Орталық Азия - энергетикалық ресурстарға бай өңір. Ол Еуропа мен Азияның түйілісінде орын тепкен, мұнда әлемдегі энергетикалық ресурстардың 5 процентке жауығы шоғырланған",- деді ол. "Өңір қазір өзгерістер сатысын бастан кешіруде. Сол себепті біз Орталық Азия аймағындағы мемлекеттерде бейбітшілік пен тұрақтылық орнығып, гүлдене түсуін қалаймыз",- деді Штайнмайер.
"Біз Еуропалық Одақ - Орталық Азия" форматындағы жаңаша ықпалдастықтарға сенімді негізге иеміз және біз оның аясын кеңейте түсетін боламыз",- деді ол.
Астанада сыртқы істер министрлерінің деңгейінде "Еуропалық Одақ үштігі - Орталық Азия елдері" форматында өткен 4-ші кездесуге құрамында ГФР сыртқы істер министрі (2007 жылдың бірінші жартысында ЕО-ға төрағалық етуші мемлекет) Франк-Вальтер Штайнмайер, Еуропалық Комиссияның сыртқы байланыстар және Еуропалық көршілік саясаты жөніндегі комиссары Бенита Ферреро-Вальднер, ЕО-ның Орталық Азия бойынша арнайы өкілі Пьер Морель, Ресейдегі Португалия Елшісі Мануэль Курту (2007 жылдың 2-ші жарты жылдыққа ЕО-ға төрағалық етуші мемлекет) қатысты.
Орталық Азия елдерінен Қазақстан Республикасының сыртқы істер министрі Марат Тәжин, Өзбекстаннан - Владимир Норов, Тәжікстаннан - Хамрохон Зәріпов, Қырғызстаннан - Эднан Қарабаев, және Түрікменстаның сыртқы істер министрінің орынбасары Вепа Хаджиев қатысты.
"Еуропалық Одақ - Орталық Азия" форматындағы диалогтың негізі 2004-жылы қаланған. Осыған дейін Қырғызстан, Бельгия және Қазақстанда үш кездесу өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еуропалық Одақтың Орталық Азияға қатысты 2007-2013-жылдарға арналған стратегиясы маусым айында қабылдануы мүмкін
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.