"Газпром" ААҚ Қырғызстанда мұнай барлауға 300 млн АҚШ долларын бөледі
"Газпром" ААҚ Қырғызстанда мұнай барлауға 300 млн АҚШ долларын бөледі
Бішкек. 22-қаңтар. "Қазақстан Бүгін" - "Газпром" ААҚ Қырғызстанда жаңа мұнай кеніштерін барлауға 300 млн АҚШ долларын бөледі. Бұл туралы бүгін баспасөз мәслихатында Қырғызстан Республикасының экономикалық даму және сауда министрі Ақылбек Жапаров мәлім етті, деп хабарлайды "Қазақстан Бүгін" агенттігінің тілшісі.
""Газпром" ААҚ 300 млн АҚШ долларын бөледі. Қырғызстан осы мақсатқа инвестор бөліп отырған осы ақшадан басқа 200 млн АҚШ долларына жуық қаржы бөлмек",- деп мәлім етті А. Жапаров.
Оның пайымдауынша, барлау сәтті шыққан жағдайда Қырғызстан өзін мұнай және газбен қамтамасыз ете алады. Қазірде республика нарығына мұнай тасымалдау елді ең алдымен шетелдік серіктестері мен әлемдік нарықтағы бағаға тәуелді етіп отыр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.