АСТАНА. 1-қараша. Kazakhstan Today. Германия Федеративтік Республикасы Қазақстанмен арада виза ережелерін жеңілдету жөніндегі келісімге қол қою мүмкіндіктерін қарастыруға дайын. Бұл жайында Германия жағының өкілдері Берлинде өткен келіссөздердің қорытындысы бойынша мәлімдеді, деп хабарлайды ҚР СІМ Kazakhstan Today агенттігіне.
30-31-қазанда өткен келіссөздерге ҚР СІМ-нің орынбасары Нұрлан Оңжанов пен ГФР сыртқы істер статс-министрі Гернот Эрлер, сауда-экономикалық ынтымақтастық жөніндегі Қазақстан-Германия жұмыс тобының тең төрағасының орынбасары Эрнест Браун қатысты.
Кездесулер барысында тараптар сонымен бірге бұған дейінгі уағдаластықтарды жүзеге асыру барысы мен сауда-экономикалық ынтымақтастық жөніндегі Қазақстан-Германия жұмыс тобының бесінші отырысын өткізуге қатысты мәселелерді талқылады.
Н.Оңжанов Қазақстанда тұратын этникалық немістердің мәселесі бойынша Қазақстан-Германия үкіметаралық комиссиясының 6-отырысына қатысты.
Комиссия жұмысының қорытындысы бойынша екі ел үкіметтері арасындағы Қазақстан Республикасының неміс ұлтты азаматтарын қолдау саласындағы ынтымақтастық туралы 1996-жылдың 31-мамырындағы келісіміне өзгерістер мен толықтырулар енгізу жөніндегі хаттамаға қол қойылды. "Хаттамада Қазақстан Республикасында тұратын неміс ұлты өкілдерін қолдау мақсатында Германия үкіметімен ұзық мерзімді ынтымақтастықты одан әрі жалғастыру жайы қарастырылған ", деп хабарлайды СІМ.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Германия Қазақстанмен арадағы виза ережелерін жеңілдету мүмкіндігін қарастыруға дайын - ҚР СІМ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.