БРЮССЕЛЬ. 4-желтоқсан. Kazakhstan Today. Бүгін ЕҚЫҰ Парламенттік ассамблеясының жалпы отырысында сөз сөйлеген Германия СІМ-нің мемлекеттік министрі Гернот Эрлер Қазақстанның өтінішіне қолдау білдіре отырып, ЕҚЫҰ-ына төрағалық жасау құқығын Қазақстанға беру тең құқылылықтың белгісі деп атап өтті, деп хабарлайдв Kazakhstan Today тілшісі.
"Қазақстан 2009-жылы ұйымға төрағалық жасау жөнінде өтініш білдіріп отыр. Германия осы елге ЕҚЫҰ-ға төраға болу мүмкіндігін беруді қолдайды. Бұл Орталық Азиядағы өскін мемлекеттер ұйым шеңберінде тепе-теңдіктен үміттене алады дегеннің белгісі",- деді Г.Эрлер.
Словакия өкілдерінің жетекшісі, осы елдің СІМ Ян Кубиш те Қазақстанның 2009-жылы ЕҚЫҰ-ына төраға болу жөніндегі сұранымына қолдау білдірді.
Осы орайда еске сала кетсек, Еуропадағы қауіпсіздік және ынтымақтастық ұйымы Парламенттік ассамблеясының жалпы отырысы бүгін ұйымға мүше-елдердің сыртқы істер министрлерінің жыл сайынғы 14-отырысы аясында бүгін Брюссельде өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Германия СІМ-нің мемлекеттік министрі: ЕҚЫҰ-ына төрағалық жасау құқығын Қазақстанға беру тең құқылылықтың белгісі
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.