Германияның Avexon компаниясы Астана қаласында химиялық өнімдерді сақтайтын қойма құрылысына 5 млн евро инвестициялайды
ҚР Индустрия және жаңа технологиялар министрлігінің хабарлауынша, неміс компаниялары Қазақстан нарығы мен инвестиция салу мүмкіндігіне қатысты қызығушылық танытып отыр.
Астана. 28 маусым. Kazakhstan Today - Немістің Avexon компаниясы 2012 жылы Астана қаласында химиялық өнімдерді сақтайтын қойма құрылысына 5 млн евро инвестиция құюға дайын, деп хабарлайды Kazakhstan Today агенттігінің тілшісі.
ҚР Индустрия және жаңа технологиялар министрлігінің хабарлауынша, неміс компаниялары Қазақстан нарығы мен инвестиция салу мүмкіндігіне қатысты қызығушылық танытып отыр. "Мәселен, Avexon компаниясы келер жылы Астана қаласында химиялық өнімдерді сақтайтын қойма құрылысына 5-6 млн евро инвестиция құюға дайын. Logistics Alliance Germany ұйымы көлік-логистикалық жобаларды дамыту үшін инвесторлар тартуға мүдделі. Ал Commit компаниясы инвестициялық мүмкіндігі бар компаниялардың Қазақстанға сапарын ұйымдастырады", - деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.