Халықаралық қару-жарақ және әскери техника салонында ҰҚШҰ мүше елдердің қорғаныс өнеркәсібі кешені кәсіпорындарының көрмесі ұйымдастырылады
Халықаралық қару-жарақ және әскери техника салонында ҰҚШҰ мүше елдердің қорғаныс өнеркәсібі кешені кәсіпорындарының көрмесі ұйымдастырылады
Алматы. 13 тамыз. "Қазақстан Бүгін" - Халықаралық қару-жарақ және әскери техника салонында алғаш рет 2008 жылы ҰҚШҰ мүше елдердің қорғаныс өнеркәсібі кешені кәсіпорындарының көрмесі ұйымдастырылады. Бұл туралы кеше ҰҚШҰ жанындағы тұрақты кеңестің отырысында "Бизон" ЖАҚ директорлары кеңесінің төрағасы Сергей Маричев құлағдар етті, деп хабарлайды агенттік тілшісі ҰҚШҰ Хатшылығының баспасөз қызметіне сілтеме жасап.
С. Маричевтің хабарлауынша, "Жаяу әскердің әскери мақсаттағы өнімдеріннің халықаралық көрмесі -2008"-ге (МВСВ-2008) әлемнің 22 елінен қорғаныс өнеркәсібі кешенінің 400-ден астам кәсіпорны қатысады.
ҰҚШҰ Хатшылығының баспасөз қызметінің хабарлауынша, өкілетті өкілдер сонымен бірге ҰҚШҰ ұжымдық қауіпсіздік кеңесінің сессиясында, Қауіпсіздік кеңесі хатшыларының комитетінде, қорғаныс министрлерінің кеңесі мен сыртқы істер министрлері кеңесінің алдағы отырыстарында талқыланатын мәселелерді пысықтады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.