Ханзада Ага Хан Қазақстанға келеді
Ханзада Ага Хан Қазақстанға келеді
Астана. 28 қазан. "Қазақстан Бүгін" - Ханзада Ага Хан 28-31 қазан аралығында Қазақстанға келеді. Бұл туралы бүгін Астанадағы апталық брифингте ҚР Сыртқы істер министрлігінің ресми өкілі Ержан Ашықбаев мәлім етті, деп хабарлайды Қазақстан Бүгін тілшісі.
Ханзада сапар аясында Қазақстан басшылығымен кездеседі.
"Сапардың мақсаты - Қазақстан мен Адам ресурстары саласындағы даму жөніндегі Ага хан ұйымы (ОАХР) арасындағы өңірлік тұрақтылық, плюрализм мен өркениетаралық түсіністікті дамытуға жәрдемдесу мақсатындағы ынтымақтастықты одан әрі кеңейту мәселелері бойынша пікір алмасу", деді Е. Ашықбаев.
Ага хан ұйымы өз қызметін экономикалық даму, әлеуметтік даму және мәдениет бағыттары бойынша жүргізеді. Ұйым БҰҰ-мен және оның құрылымдық бөлімшелерімен, Илемдік банкпен, сондай-ақ әлемнің көптеген елдерімен ынтымақтастық туралы келісім жасасқан әлемдегі ең ірі халықаралық жеке ұйымдардың бірі болып саналады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.