Іс басындағы ЕҚЫҰ төрағасы Бішкекке барады
Іс басындағы ЕҚЫҰ төрағасы Бішкекке барады
Астана. 19 сәуір. Kazakhstan Today - Іс басындағы ЕҚЫҰ төрағасы, Қазақстан Республикасының мемлекеттік хатшысы - сыртқы істер министрі Қанат Саудабаев
20 сәуірде бір күндік сапармен Бішкекке барады, деп хабарлайды Kazakhstan Today Қырғызстанның СІМ-нің баспасөз қызметіне сілтеме жасап.
Баспасөз қызметінің ақпаратына сәйкес, Қ. Саудабаев Қырғыз Республикасының уақытша үкіметінің төрайымы Роза Отунбаевамен, уақытша үкіметтің мүшелерімен, сыртқы істер министрі Руслан Қазақбаевпен, саяси партиялар мен азаматтық қоғам өкілдерімен кездеседі. Кездесулер барысында елдегі саяси ахуал мен ықпалдастық жолдары, ЕҚЫҰ тарапынан көрсетілетін көмек мәселелері талқыланады.
Сондай-ақ, АҚШ, Ресей, Германия, Түркияның дипломатиялық миссияларының, Еуропалық Одақ пен БҰҰ Даму бағдарламасының өкілдерімен кездесулер өтпек.
"Сапар қорытындысы бойынша Қ. Саудабаев баспасөз мәслихатын өткізеді", - деп хабарлайды СІМ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.