Ислам конференциясы ұйымының Бас хатшысы алғаш рет ресми сапармен Қазақстанға келмекші
Ислам конференциясы ұйымының Бас хатшысы Экмеледдин Ихсаноғлы Қазақстан Республикасына алғаш рет ресми сапармен келеді.
"ҚАЗАҚСТАН БҮГІН". 3-қыркүйек. АСТАНА. Ислам конференциясы ұйымының Бас хатшысы Экмеледдин Ихсаноғлы Қазақстан Республикасына алғаш рет ресми сапармен келеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды агенттік тілшісі.
СІМ өкілінің нақтылауынша, сапар 4-7 қыркүйек аралығына межеленген.
"Сапар барысында Білім және ғылым министрлігі Сыртқы істер министрлігімен, Ислам Конференциясы ұйымымен және Ислам тарихын, өнерін және мәдениетін зерттеу орталығымен бірлесіп, 4-7 қыркүйек аралығында Астанадағы Бейбітшілік және келісім сарайында "Ислам өркениеті Орталық Азияда" атты халықаралық ғылыми конференция өткізеді".
"Бұл іс-шараға 22 мұсылман және батыс мемлекеттерінің өкілдері қатысады деп жоспарлануда",- деді Е.Ашықбаев.
Конференция барысында Орталық Азиядағы ислам өркениеті дәстүрлеріне арналған этнографиялық көрме өткізілмек.
Конференцияның күн тәртібіне пленарлық мәжілістердің бірі ретінде өркениетаралық диалогты дамыту мәселесі енгізілген.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.