АСТАНА. 10-сәуір. Kazakhstan Today. Испания королі І Хуан Карлос елімізге сапармен келмек, деп хабарлайды Kazakhstan Today тілшісі.
"Испания королі мен үкімет басшысы Қазақстанға келіп қайтуға шақыру алды, біз енді осы сапарлардың тиімді уақытын анықтауға тиіспіз",- деді бүгін Еуропадағы қауіпсіздік және ынтымақтастық жөніндегі ұйымының қазіргі төрағасы - Испания сыртқы істер министрі Мигель Анхель Моратинос Қазақстан президентімен кездесуден кейін өткен брифингте.
Оның айтуынша, "екі ел арасында аса қарқынды, өте тамаша әрі оң сипаттағы қарым-қатынас орнаған".
Ресми мәліметке сәйкес, 2006-жылы Қазақстан мен Испания арасындағы тауар айналымы 1,048 млрд АҚШ долларын құрап, 2005-жылғымен салыстырғанда 94 процентке өсті. 2006-жылы Қазақстан экономикасына жұмсалған Испания инвестициясының көлемі 56 млн АҚШ долларына жетсе, Испания экономикасына салынған Қазақстанның инвестициясы 77 млн долларға жетті. Қазақстанда Испания капиталының қатысуымен құрылып, түрлі салада істеп жатқан 23 бірлескен кәсіпорын бар.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Испания королі елімізге сапармен келмек
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.