Италиялық компаниялар Қарағандыда панельді радиаторлар өндіретін бірлескен кәсіпорын құруды көздеп отыр
Италиялық "De Longhi" компаниялар тобының басшысы Джузеппе Делонг Қарағанды облысының әкімі Серік Ахметовпен кездесу кезінде бірлескен кәсіпорын құруға қызығушылық танытып отырғандары жөнінде мәлімдеді. Ол, бірінші кезекте, тасымал мәселесіне көңіл аударды. Өйткені, панельді радиаторлардың қосалқы бөлшектерін Италиядан жеткізу жоспарланып отыр.
Алматы. 5 тамыз. Kazakhstan Today - Италиялық компаниялар Қарағандыда панельді радиаторлар өндіретін бірлескен кәсіпорын құруды көздеп отыр, деп хабарлайды Kazakhstan Today агенттігінің тілшісі.
Италиялық "De Longhi" компаниялар тобының басшысы Джузеппе Делонг Қарағанды облысының әкімі Серік Ахметовпен кездесу кезінде бірлескен кәсіпорын құруға қызығушылық танытып отырғандары жөнінде мәлімдеді. Ол, бірінші кезекте, тасымал мәселесіне көңіл аударды. Өйткені, панельді радиаторлардың қосалқы бөлшектерін Италиядан жеткізу жоспарланып отыр.
Өз кезегінде С. Ахметов өндірістерді қолдаудың мемлекеттік бағдарламалары жөнінде әңгімеледі. Икім сондай-ақ, жақында индустриялық парк құрылатынын да жеткізіп, оның іске асуына бюджеттен 200 млн АҚШ доллары бөлініп отырғанын хабарлады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.