Ядролық қаруды таратпау туралы келісім ядролық клуб мүшелерін ядролық арсеналдарын азайтуға, қарусыздануға құлшындырып отырған жоқ - Назарбаев
Ядролық қаруды таратпау туралы келісім ядролық клуб мүшелерін ядролық арсеналдарын азайтуға, қарусыздануға құлшындырып отырған жоқ - Назарбаев
Астана. 30 маусым. "Қазақстан Бүгін" - Ядролық қаруды таратпау туралы келісім ядролық клуб мүшелерін ядролық арсеналдарын азайтуға, қарусыздануға құлшындырып отырған жоқ. Бұл туралы Еуропадағы қауіпсіздік және ынтымақтастық ұйымының Парламенттік ассамблеясының жыл сайынғы 17-сессиясының пленарлық отырысында сөйлеген сөзінде Нұрсұлтан Назарбаев мәлімдеді, деп хабарлайды "Қазақстан Бүгін" агенттігінің тілшісі.
"Ядролық қаруды таратпау туралы келісім асимметриялық сипатқа ие. Тек ядролық қаруы жоқ мемлекеттерге санкция қояды да, ядролық клуб мүшелерін ядролық арсеналдарын азайтуға, қарусыздануға құлшындырмайды", - деді Н. Назарбаев.
Оның пайымдауынша, бұл әділетсіз. "Бұл әділетсіздік Ядролық қаруды таратпау туралы келісімнің орындалмауына алып келіп отыр", - деп атап көрсеті Елбасы.
Қазақстан президенті атап көрсеткендей, таратпау режиміндегі жаһандық қауіпсіздік жүйесі мүгедектікке жақын жағдайды бастан кешіріп отыр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.