Қанат Саудабаев АҚШ мемлекеттік хатшысының Оңтүстік және Орталық Азия істері жөніндегі көмекшісі Ричард Баучермен кездесті
Қанат Саудабаев АҚШ мемлекеттік хатшысының Оңтүстік және Орталық Азия істері жөніндегі көмекшісі Ричард Баучермен кездесті
Астана. 11 ақпан. "Қазақстан Бүгін" - Қазақстан Республикасының мемлекеттік хатшысы Қанат Саудабаев АҚШ мемлекеттік хатшысының Оңтүстік және Орталық Азия істері жөніндегі көмекшісі Ричард Баучермен кездесті, деп хабарладйы агенттік тілшісі президенттің баспасөз қызметіне сілтеме жасап.
Тараптар Қазақстан мен АҚШ-тың жаппай қырып-жою қаруын таратпау және қарусыздану, энергетика, сауда және инвестиция салаларындағы ынтымақтастығы, сондай-ақ демократияны және азаматтық қоғамды дамыту мәселелері жөніндегі үнқатысуы әріптестікті одан әрі дамыту үшін берік негіз болып табылатынын атап өтті.
"Қазақстан мен АҚШ-ты еркіндіктің, қауіпсіздіктің және өркендеудің ортақ құндылықтарына негізделген нағыз стратегиялық әріптестік тығыз байланыстарады. Исіресе, Қазақстан өзінің қоғамдық-саяси және әлеуметтік-экономикалық дамуының жаңа сапалы кезеңіне қадам басқан бүгінгі күні біздің елдеріміз арасындағы ынтымақтастықты нығайта және кеңейте түсу айрықша маңызды", - деп атап көрсетті Қанат Саудабаев кездесу барысында.
Тараптар басталуы ағымдағы жылдың көктеміне белгіленіп отырған Мемлекеттік-жеке әріптестік жөніндегі Қазақстан-американ бастамасы сауда-экономикалық ынтымақтастыққа жаңа серпін беруі тиіс екендігін атап өтті. Сонымен бірге, жоғары ғылыми және технологиялық әлеуетке ие АҚШ Қазақстан президентінің "Интеллектуалды ұлт - 2020" идеясын жүзеге асыруда негізгі серіктестің біріне айналуы мүмкін. Алдағы кезеңдегі ынтымақтастықтың маңызды бағыты Қазақстанның 2010 жылы ЕҚЫҰ-ға тиімді төрағалық етуіне әзірлік және мемлекет басшысы 6 ақпандағы өзінің Қазақстан халқына Жолдауында жария еткен "Еуропаға жол" арнайы бағдарламасын жүзеге асыру болып табылады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.