Қанат Саудабаев Канзас штатының губернаторымен кездесті
"Ядросыз әлем үшін" халықаралық форум аясында Қазақстан Республикасының Мемлекеттік хатшысы Қанат Саудабаев Канзас штатының (АҚШ) губернаторы Сэм Браунбекпен кездесу өткізген.
Астана. 12-қазан. Kazakhstan Today - Қанат Саудабаев Канзас штатының губернаторымен кездесті, деп хабарлайды Kazakhstan Today агенттігінің тілшісі.
ҚР президентінің баспасөз қызметінің хабарлауынша, кеше "Ядросыз әлем үшін" халықаралық форум аясында Қазақстан Республикасының Мемлекеттік хатшысы Қанат Саудабаев Канзас штатының (АҚШ) губернаторы Сэм Браунбекпен кездесу өткізген.
Қазақстан-американ ынтымақтастығының кең ауқымды мәселелері жөнінде пікірлер алмасылды.
С. Браунбек Форумға шақырғаны үшін ризашылығын білдірді. Ол Қазақстанның тәуелсіздігінің 20 жылы ішіндегі тамаша жетістіктерін атап өтіп, елдің ядролық қаруды қысқарту және таратпау саласындағы ерекше үлесіне тоқталды.
Иңгімелесу барысында екіжақты қарым-қатынастардың ауыл шаруашылығы, машина жасау саласы және гуманитарлық салаларда тиімді дамып келе жатқаны атап өтілді.
Мемлекеттік хатшы Қ. Саудабаев пен губернатор С. Браунбек қазақстан-американ ынтымақтастығын нығайту жөніндегі күш-жігерді жалғастыруға дайын екендіктерін білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.