Каримов Өзбекстан парламентінің қос палатасының отырысында ант берді
Каримов Өзбекстан парламентінің қос палатасының отырысында ант берді
Мәскеу. 16 қаңтар. "Қазақстан Бүгін" - Өзбекстан президенттігіне сайланған Ислам Каримов, бүгін парламентің қос палатасының отырысында ант берді, деп хабарлайды агенттік РИА Новости ақпараттық агенттігіне сілтеме жасай отырып.
Ресей агенттігі хабарлағанындай, Орталық сайлау комиссиясының төрағасы Мирзаулуг Ибдусаламов И. Каримовке Өзбекстан президентінің құжатын және Өзбекстанның Орталық сайлау комиссиясының президенттікке сайланғаны жөнінде куәлігін тапсырды.
Каримов 2007 жылдың 23 желтоқсанында өткен сайлауда Өзбекстан президенті болып сайланды. Оған сайлаушылардың 88,1%дауыс берді.
69 жастағы И. Каримов 1990 жылдың наурыз айынан Өзбек ССР президенті қызметін атқаруда (Жоғары Кеңестің сессиясында сайланды). 1991 жылдың 29 желтоқсанында жалпы халықтық сайлауда Өзбекстан Республикасының президенті болып сайланды. 1995 жылы өткізілген жалпы халықтық референдумы президенттің құзырын 2000 жылға дейін созды. 2000 жылдың 9 қаңтарында қайтадан Өзбекстан Республикасының президенті болып сайланды.
2002 жылдың 27 ақпанындай өткізілген ұлттық референдум президенттің құзырын бес жылдан жеті жылға дейін ұзартты.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.