АСТАНА. 15-желтоқсан. Kazakhstan Today. Каспий теңізін қоршай орналасқан елдердің мемлекет басшыларының саммиті Тегеранда 2007-жылдың бірінші тоқсанында өтеді. Бұл туралы бүгін Асатанада өткен баспасөз мәслихатында Иран сыртқы істер министрі Манучехр Моттаки құлағдар етті, деп хабарлайды Kazakhstan Today тілшісі.
"Біз Каспийдің айналасындағы мемлекеттер басшыларының саммитін Тегеранда 2007-жылдың бірінші тоқсанында өткізуді көздеп отырмыз",- деді Иран СІМ.
"Біз Иран президентінің Қазақстан мемлекет басшысын осы саммитке шақырған шақыруын табыс еттік. Нұрсұлтан Назарбаев шақыруды қабыл алды және ол саммитке қатысады",- деді М.Моттаки.
Еске сала кетейік, Каспий теңізін қоршай орналасқан елдердің мемлекет басшыларының бірінші саммиті 2002-жылдың сәуір айында Ашхабадта өтті. Каспийдің айналасында Изербайжан, Иран, Қазақстан, Ресей және Түрікменстан орналасқан.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Каспий теңізін қоршай орналасқан елдердің мемлекет басшыларының саммиті Тегеранда 2007-жылдың бірінші тоқсанында өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.