Каспий теңізінің мәртебесі жөніндегі арнаулы жұмыс тобының кезекті отырысы 15-16-сәуірде Тегеранда өтеді
Каспий теңізінің мәртебесі жөніндегі арнаулы жұмыс тобының кезекті отырысы 15-16-сәуірде Тегеранда өтеді
Баку. 14 сәуір. "Қазақстан Бүгін" - Каспий теңізінің мәртебесі жөніндегі негіздемелік конвенцияның жобасын жасау жөніндегі арнаулы жұмыс тобының сыртқы істер министрлерінің орынбасарлары деңгейіндегі кезекті отырысы 15-16-сәуірде Тегеранда өтеді, деп хабарлайды агенттік тілшісі Изербайжан СІМ-не сілтеме жасап.
"Изербайжан делегациясын бұл кездесуде Изербайжан сыртқы істер министрінің орынбасары Халаф Халафов басқарады. Отырыс екі күнге созылады. Кездесу кезінде тараптар Каспий теңізінің мәртебесі жөніндегі конвенцияның келісілмеген тұстар бойынша пікір алмасады", - деп хабарлайды СІМ.
Сонымен бірге осы жүздесу аясында Каспий теңізінің мәртебесі бойынша екі жақты әзербайжан-иран және әзербайжан-түрікмен келіссөздері жүргізіледі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.