Каспий теңізінің мәртебесі жөніндегі арнаулы жұмыс тобының кезекті отырысы Бакуде 23-24 шілдеде өтеді
Каспий теңізінің мәртебесі жөніндегі арнаулы жұмыс тобының кезекті отырысы Бакуде 23-24 шілдеде өтеді
Баку. 4 шілде. "Қазақстан Бүгін" - Каспий теңізінің мәртебесі жөніндегі арнаулы жұмыс тобының Каспий теңізін қоршай орналасқан елдердің сыртқы істер министрлерінің орынбасарлары деңгейіндегі кезекті отырысы Бакуде 23-24 шілдеде өтеді. Бұл туралы Қазақстанның Изербайжандағы төтенше және өкілетті елшісі Серік Пірімбетов бүгін өткен баспасөз мәслихатында мәлім етті, деп хабарлайды агенттік тілшісі.
"Каспий теңізінің мәртебесі жөніндегі арнаулы жұмыс тобының кезекті отырысы Бакуде 23-24 шілдеде өтеді. Онда Каспий теңізінің мәртебесі және теңіздегі қауіпсіздік жөніндегі мәселелер талқыланады. Каспий теңізінің бетіне қатысты мәселе бойынша Ресей, Қазақстан және Изербайжан арасында проблема жоқ, проблема тек Иран мен Түрікменстанмен ғана болып тұр, бірақ, қазір Түрікменстанмен бұл мәселе бойынша жақындаса бастадық, енді тек Иран ғана қалды", - деді С. Пірімбетов.
Оның айтуынша, бұл отырыс Каспий маңы елдерінің тағы да осы Бакуде өтеді деп межеленген мемлекет басшыларының саммитіне дайындық сипатында ғана болмақ.
"Қазақстан Каспийді әскерилер мен қарудан арылту принципін қолдайды. Біздіңше жағдайды ушықтырудың ешбір қажеті жоқ. Каспийде бес мемлекеттің әскери-теңіз күштерін құрудың қажеті жоқ. Ең бастысы, Каспийде үшінші елдердің флоты болмауы керек, онда тек теңіз жағалауындағы бес елдің ғана флоты болуға тиіс. Біз бұл ұстанымнан алдағы уақытта да бас тартпаймыз", -деді дипломат.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.