Қазақстан ағымдағы жылы Ауғанстанға жәрдемдесу жөніндегі жаңа бағдарламаны қабылдауды жоспарлауда
Қазақстан ағымдағы жылы Ауғанстанға жәрдемдесу жөніндегі жаңа бағдарламаны қабылдауды жоспарлауда
Астана. 25 маусым. "Қазақстан Бүгін" - Қазақстан ағымдағы жылы Ауғанстанға жәрдемдесу жөніндегі жаңа бағдарламаны қабылдауды жоспарлауда. Бұл туралы бүгін Еуроатлантикалық әріптестік кеңесінің ІІІ қауіпсіздік форумында ҚР қорғаныс министрінің орынбасары Болат Сембинов мәлім етті, деп хабарлайды "Қазақстан Бүгін" агенттігі.
"Ағымдағы жылы 2009 - 2011 жылдарға есептелген жаңа бағдарламаны қабылдау жоспарлануда, оған инфрақұрылымды дамыту, энергетика, студенттерді оқыту, мамандарды қайта дайындау секілді 30-дан астам бөлімнен тұратын жобалар қамтылады", - деді Б. Сембинов.
Ол бұған қоса Ауғанстанға жәрдемдесу жөніндегі 2007 - 2008 жылдарға арналған бағдарламаның аяқталғанын атап өтті. "Бағдарлама аясында жол, мектеп және аурухана салу мен бидай жеткізуге $3 млн бөлінді", - деді ол.
Сонымен бірге, Б. Сембиновтың хабарлауынша, "Қорғаныс министрлігі Кабулға қауіпсіздікке жәрдем беру жөніндегі халықаралық күштер штабына офицерлерді жіберуге байланысты мемлекетішілік процедураларды бастады".
Ақпаратты пайдаланған жағдайда "Казахстан Сегодня" ақпараттық агенттігіне
гиперсілтеме жасау міндетті.
«Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.