Қазақстан Андоррамен дипломатиялық байланыс орнатты
Қазақстан Андоррамен дипломатиялық байланыс орнатты
Астана. 4 ақпан. "Қазақстан Бүгін" - Қазақстан Андоррамен дипломатиялық байланыс орнатты. Бұл туралы бүгін өткен брифингте ҚР СІМ-нің ресми өкілі Ержан Ашықбаев құлағдар етті, деп хабарлайды "Қазақстан Бүгін" тілшісі.
"31 қаңтарда Нью-Йоркте Қазақстан Республикасы мен Андорра Князьдығы арасында дипломатиялық байланыс орнатылды", - деді СІМ өкілі.
Екі ел арасында дипломатиялық байланыс орнату туралы тиісті біріккен коммюникеге БҰҰ-ның жанындағы Қазақстанның тұрақты өкілі Бірғаным Ийтімова мен БҰҰ жанындағы Андорраның тұрақты өкілі Карлес Фон Россел қол қойды.
"Бұл мемлекетпен арада дипломатиялық байланыс орнату тау шаңғысы туризмі, қызмет көрсету саласы, жеңілдетілген салық салу аймағын құру секілді салаларда өзара тиімді ынтымақтастықты жолға қоюға мүмкіндік береді", - деді Е. Ашықбаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.