АСТАНА. 25-желтоқсан. Kazakhstan Today. Елбасы Нұрсұлтан Назарбаев Армения мен Катарда Қазақстанның елшіліктерін ашу, ал Сингапур мен Нидерландыдағы дипломатиялық миссияларды қайта құру туралы жарлыққа қол қойды, деп хабарлайды Kazakhstan Today тілшісі.
Мәселен, президенттің жарлығына сәйкес, Сингапур мен Нидерландыдағы дипломатиялық миссиялар Қазақстан Республикасының елшілігі болып қайта құрылады.
Қазақстанның Армениядағы елшілігі осы елдің астанасы Ереванда, ал Катардағы елшілік Дохада ашылады.
Жаңа елшіліктер "дипломатиялық қарым-қатынастарды нығайту" мақсатымен ашылып отыр.
Төрт жарлық 2007-жылдың 1-қаңтарынан бастап күшіне енеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Армения мен Катарда елшіліктер ашып, Сингапур мен Нидерландыдағы дипломатиялық миссияларын қайта құруда
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.