Қазақстан Армения мен Түркия арасында екіжақты қатынастарды дамыту туралы хаттамаларды қуаттайды
Қазақстан Армения мен Түркия арасында екіжақты қатынастарды дамыту туралы хаттамаларды қуаттайды
Астана. 12 қазан. Kazakhstan Today - Қазақстан Армения мен Түркия арасында екіжақты қатынастарды дамыту туралы хаттамаларды қуаттайды. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев мәлімдеді, деп хабарлайды Kazakhstan Today.
"Қазақстан Республикасының Сыртқы істер министрлігі 10 қазанда Цюрихте қол қойылған "Армения Республикасы және Түркия Республикасы арасында дипломатиялық қатынастарды орнату туралы" және "Армения Республикасы және Түркия Республикасы арасында екіжақты қатынастарды дамыту туралы" хаттамаларды қуаттайды. Бұл оқиғаны біз Оңтүстік Кавказда бейбітшілікті, тұрақтылықты және бақуаттылықты қамтамасыз ету жолындағы шешуші қадам ретінде қарастырамыз",- делінген мәлімдемеде.
"Өз халықтарының жоғары мүдделерінен туындап отырған Армения мен Түркия басшылығының саяси батылдығы мен көрегендігіне Қазақстанда әділ бағаларын беруде. Біз Түркия мен Армения арасындағы бітімгерлік процестерге жаңа дем берген халықаралық дәнекерлер, олардың ішінде ең алдымен, ЕҚЫҰ-ның Минск тобының, Ресей, АҚШ және Франция сыртқы істер ведомстволары басшыларының атқарған жұмыстарын жоғары бағалаймыз. ЕҚЫҰ-ның келесі төрағасы ретінде Қазақстан қол жеткен уағдаластықтардың нығайып, дамуына жан жақты атсалысатын болады",- делінген мәлімдеме мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.