АСТАНА. 2-қазан. Kazakhstan Today. Қазақстан 2005-2006-жылдарда болған су тасқындарына байланысты Болгарияға қайырымдылық көмек көрсетті. Бұл туралы Kazakhstan Today тілшісіне ҚР СІМ-нің баспасөз қызметі хабарлады.
"Бұл шара еліміздің табиғи зілзалаларға душар болған Болгариямен ынтымақтастық нышанын білдіреді. Табиғи зілзалалар мен техногендік сипаттағы оқыс оқиғалар қазіргі замандағы тағы бір қатерге айналды және одан ешбір ел сақтандырылмаған",- деді еліміздің дипломатиялық миссиясының жетекшісі Тимур Оразаев өткен аптада Софияда болған қайырымдылық көмекті табыс ету рәсімінде.
Болгария вице-премьері - төтенше жағдайларды жою жөніндегі министр Эмель Этем Қазақстан үкіметіне қолдау көрсеткені үшін ризашылық білдірді. "Осынау достық сипаттағы мейірбандық шарасы Қазақстанның елімізге келген зілзала апатының залал-зардаптарын жоюға үлес қосуға жасаған шынайы талпынысын білдіреді",- деді ол.
ҚР СІМ-нің ақпаратына сәйкес, тек 2005-жылы Болгарияға су тасқынынан келген шығын көлемі 1 млрд. доллардан асты. Соның салдарынан 2 млн. адам зардап шегіп, 22 адам қаза тапты.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Болгарияға қайырымдылық көмек көрсетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.