Қазақстан делегациясы Ауғанстанды қолдау жөніндегі халықаралық конференцияға қатысады - СІМ
Қазақстан делегациясы Ауғанстанды қолдау жөніндегі халықаралық конференцияға қатысады - СІМ
Астана. 9 маусым. "Қазақстан Бүгін" - ҚР сыртқы істер вице-министрі Қайрат Сарыбай басқарған Қазақстан делегациясы Ауғанстанды қолдау жөніндегі халықаралық конференцияға қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Парижде 12-маусымда Ауғанстанды қолдау жөніндегі халықаралық конференция өтеді, оған ҚР сыртқы істер вице-министрі Қайрат Сарыбай басқарған Қазақстан делегациясы қатысады", - деді Е. Ашықбаев.
Оның айтуынша, "әлемнің 60 елі мен халықаралық 17 ұйымнан келген конференцияға қатысушылар донор елдер тарапынан алдағы бес жылда Ауғанстанға көрсетілетін халықаралық көмекті үйлестіру мәселелерін талқыламақшы". "Конференцияда Қазақстан өкілі баяндама жасап, еліміздің Ауғанстанды қалпына келтіру жөніндегі көзқарасы мен ұстанымдары жайлы таныстырады", -деді Е. Ашықбаев.
Қазір Қазақстан үкіметі 2007 - 2008 жылдарға арналған Ауғанстанға қолдау көрсету жоспарын жүзеге асыруда, онда түрлі салалардағы шаралар қарастырылған, сондай-ақ, Ауғанстанға қолдау көрсету жөніндегі 2009-2011 жылдарға арналған жаңа жоспардың жобасын жасауда.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.