Қазақстан делегациясы Халықаралық Еңбек конференциясына қатысуда
Қазақстан делегациясы Халықаралық Еңбек конференциясына қатысуда
Астана. 10 маусым. "Қазақстан Бүгін" - Еңбек және халықты әлеуметтік қорғау министрі Бердібек Сапарбаев бастаған Қазақстан делегациясы Халықаралық Еңбек Ұйымы (ХЕҰ) Халықаралық Еңбек конференциясының 97-сессиясына қатысуда, деп хабарлайды агенттік тілшісі ҚР Еңбек және халықты әлеуметтік қорғау министрлігінің баспасөз қызметінің хабарламасына сілтеме жасап.
Баспасөз қызметінің ақпаратына сәйкес, Швейцарияның Женева қаласында маусымның 9 - 13-і аралығында Халықаралық Еңбек Ұйымы (ХЕҰ) Халықаралық Еңбек конференциясының 97-сессиясы өтуде. Онда "Лайықты еңбек бағдарламасының" іс-шаралар жоспарын іске асыру және ілгерілету мәселелерін, жаһандануға қатысты проблемалар мен оларды шешу жөніндегі шараларды талқылауға 67 елден келген делегат қатысады.
Баспасөз баянында атап көрсетілгеніндей, ХЕҰ Конференциясының алғашқы күнінде Б.Сапарбаев Польша Республикасының Еңбек және әлеуметтік саясат вице-министрі Роасслав Млежкомен келіссөз жүргізді. Иріптестер өз елдеріндегі зейнетақымен қамсыздандыру және халықтың көші-қоны туралы ақпарат алмасты. Тараптар ынтымақтастық ниеті мен еңбек және халықты әлеуметтік қорғау саласында Ведомствоаралық келісімнің жобасын әзірлеу және 2009 жылдың басында оған қол қою жөнінде хаттаманы дайындау қажеттігі туралы келісімге келді. Польша ведомствосының өкілі екі елдің ведомстволары арасында тығыз қатынас орнату үшін мұндай құжаттың маңыздылығын атап өтті.
Бердібек Сапарбаев Халықаралық Еңбек Конференциясында "Лайықты еңбек: болашаққа стратегиялық үн тастау" деген тақырыпта баяндама жасайды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.