Қазақстан Дүниежүзілік сауда ұйымына 2008 - 2009 жылы мүшелікке өтуі мүмкін
Қазақстан Дүниежүзілік сауда ұйымына 2008 - 2009 жылы мүшелікке өтуі мүмкін
Астана. 19 желтоқсан. "Қазақстан Бүгін" - Егер келіссөздер барысында өз мүддесін қорғай алған жағдайда Қазақстан Дүниежүзілік сауда ұйымына 2008 - 2009 жылы мүшелікке өтуі мүмкін. Агенттік тілшісіне берген сұхбатында үкіметтегі ақпарат көзі осындай пікір білдірді.
"Егер келіссөздерде біз ұрыссыз түсіп берген болсақ, онда ұйымға тіпті күні ертең-ақ мүшелікке өтер едік. Бірақ президент Дүниежүзілік сауда ұйымына еліміз үшін ең қолайлы шарттармен мүшелікке өту туралы міндет қойды", -деді ол.
"Біз өзіміздің құқықтарымыз бен Қазақстандық компаниялардың мүддесін қорғап отырмыз. Егер оны келесі жылы үлгермесек, 2008 жылы мүшелікке өтеміз. Ол жүзеге аспаса келіссөздерді 2009 жылы да жалғастырамыз", - деді ол.
Ақпарат көзінің нақтылауынша, Қазақстан қорғап отырған позицияларға келсек, "ауылшаруашылығына субсидия бөлу мүмкіндігі, энергетикалық қауіпсіздікті сақтау мен тариф саясатын реттеу мүмкіндігі болмақ".
"Романтикалық нарық кезеңі келмеске кетіп барады, бәрі де мемлекеттік билік өзінің мүддесін қорғауға тиіс дегенді түсіне бастады. Биылғы жыл ұлттық үкіметтердің осындай құқығы болуға тиіс екендігін көрсетіп берді", - деді ол. "Батыс үкіметтерінде де мұндай құқық бар", - деді ақпарат көзі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.