Қазақстан ЕҚЫҰ трансшекаралық қылмыспен күрес жұмыстарын үйлестіретін кеңес құруды ұсынады
Астана. 1-желтоқсан. Kazakhstan Today - Қазақстан ЕҚЫҰ трансшекаралық қылмыспен күрес жұмыстарын үйлестіретін кеңес құруды ұсынады. Елбасы бұл туралы бүгін Астанада өтіп жатқан ЕҚЫҰ саммиті барысында мәлім етті, деп хабарлайды Kazakhstan Today агенттігінің тілшісі.
"Қарусыздандыру және таратпау саласында жаңа келісім нормаларын әзірлеуге қатысты жұмыстарды жалғастыру қажет. Оның нәтижелі болуы үшін ЕҚЫҰ арнайы кеңесін құрған жөн",-деді Н. Назарбаев.
Атап айтқанда, оның айтуынша, "Қазақстан ЕҚЫҰ мүше мемлекеттердің министрлер деңгейінде трансшекаралық қылмыспен, есірткі саудасымен және заңсыз көші қонмен күрес жүргізуді үйлестіретін кеңес құруды ұсынады".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.