Қазақстан ЕҚЫҰ-ға төрағалық жасауға дайын - Тәжин
Қазақстан ЕҚЫҰ-ға төрағалық жасауға дайын - Тәжин
Астана. 8 желтоқсан. Kazakhstan Today - Қазақстан ЕҚЫҰ-ға төрағалық жасауға дайын. Бұл туралы Қауіпсіздік кеңесінің кезекті отырысынан кейін журналистерге ҚР Қауіпсіздік кеңесінің хатшысы Марат Тәжин мәлім етті, деп хабарлайды Kazakhstan Today.
Қазақстанның ЕҚЫҰ-ға төрағалығының басымдықтары 2010 жылғы қаңтардың ортасында ресми түрде жарияланатын болады, деді ол.
"Қазақстанның ЕҚЫҰ-ға төрағалық етуіне іс жүзінде дайындала бастадық. Біз қазір Қазақстан ЕҚЫҰ-ға төрағалық етуге толықтай дайын деп айта аламыз. Де-юре - төрағалық 2010 жылғы қаңтардың 1-нен басталады, де-факто - Афиныда өткен Сыртқы істер министрлері кеңесінің отырысынан кейін төрағалық басталып кетті. Мұнда атап өтерлігі, мемлекет басшысы ЕҚЫҰ-ның проблематикасы, ЕҚЫҰ-ға төрағалықтың проблематикасы жөнінде өте ауқымды жұмыстар жүргізді. Біздің ірі еуропалық әріптестерімізді қосқанда ЕҚЫҰ-ның жетекші елдерімен көптеген кездесулер мен консультациялар жүргізді", деді ол.
М. Тәжин Қазақстанның Сыртқы істер министрлігінің делегациясы Афиныда табысты жұмыс істегенін атап көрсетті. "Олар айтарлықтай, соның ішінде 2010 жылы Қазақстанда өткізілуі мүмкін саммитке оң көзқарасқа қатысты салмақты резолюцияға қол жеткізді", деді ол.
"Қазақстанның ЕҚЫҰ-ға төрағалығы мәселесі бүгін тағы бір нақтыланды. Мемлекет басшысы тарапынан қосымша тапсырмалар алынды. Тұтастай алғанда, мемлекеттік хатшы-сыртқы істер министрі басқаратын мемлекеттік комиссия белсенді және тиімді жұмыс істеуі тиістігі атап өтілді", деді М. Тәжин.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.