АСТАНА. 15-қыркүйек. Kazakhstan Today. 2006 жылғы 14 қыркүйекте Қазақстан Республикасының төтенше және өкілетті елшісі Тілеухан Қабдрахманов Эстония Республикасының президенті Арнольд Рюйтелге сенім грамотасын тапсырды, деп хабарлайды Kazakhstan Today тілшісі ҚР СІМ-нің баспасөз қызметіне сілтеме жасап.
Салтанатты рәсімнен кейін болған кездесуде екі жақты қарым-қатынастардың даму барысы жан-жақты талқыланды. Тараптар екі жақты ынтымақтастықтың нығайып келе жатқанын, оның дамуына барлық қажетті жағдайдың бар екендігін, сондай-ақ инвестициялық мүмкіндіктерді бірлесіп іздеу қажеттігін қуаттады.
Елші Т.Қабдрахманов Эстония басшысын Қазақстанның серпінді даму жолын, Қазақстанның әлемдегі бәсекеге барынша қабілетті елдердің қатарына кіру мақсаты туралы, сыртқы саясаттағы бастамалары, азаматтық қоғамды дамыту істерімен таныстырды. Қазақстан президентінің қазақстан-эстон қарым-қатынастарының барлық саласын ілгерілету барысындағы міндеттерін атап өтті.
Эстон жағына Қазақстанның Еуроодақпен тең, әрі әріптестік бағытындағы қарым-қатынасты жандандыруға көрсетіп отырған көмегі үшін алғыс айтып, Таллинннің 2009 жылғы Қазақстанның ЕҚЫҰ-ға төрағалық ету бастамасын жақтауына ризашылық білдірді. Екі жақты экономикалық ынтымақтастықтың болашағын талқылау барысында көлік-тасымалдау мүмкіндіктері мен жоғары технология және инновация салалары да сөз болды.
Эстония президенті Қазақстан Республикасының Елбасы Нұрсұлтан Назарбаевқа және барша Қазақстан халқына өз атынан игі тілегін білдірді.
Елші сондай-ақ Эстонияның үкімет басшысы А.Ансиппен, Рийгикогу (парламент) төрағасы Т.Варекпен, экономика және коммуникация министрі Э.Сависаармен, Қазақстанның Эстониядағы құрметті консулы А.Луукаспен және Таллинн портының жетекшілерімен және Эстониядағы қазақ диаспорасы өкілдерімен кездесулері өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан елшісі Эстония Республикасының президенті Арнольд Рюйтелге сенім грамотасын тапсырды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.