АЛМАТЫ. 21-мамыр. Kazakhstan Today. Қазақстан ЭСКАТО-ның БҰҰ-ның Орталық Азия елдерінің экономикасына арналған арнаулы бағдарламасын (СПЕКА) жүзеге асырудағы ролін жоғары бағалайды. Бұл туралы бүгін Алматыда БҰҰ-ның Азия және Тынық мұхитына арналған экономикалық және әлеуметтік комиссиясының (ЭСКАТО) 63-сессиясы аясында ЭСКАТО-ға мүше елдердің министрлерінің отырысының ашылуында сөз сөйлеген Қазақстан президенті Нұрсұлтан Назарбаев мәлімдеді , деп хабарлайды Kazakhstan Today тілшісі.
"Біз СПЕКА аясындағы ынтымақтастықты кеңейту мәселелерінің Азия және Тынық мұхитына арналған экономикалық және әлеуметтік комиссиясының (ЭСКАТО) 63-сессиясы мен ЭСКАТО-ға мүше елдердің Азия-тынық мұхиты бизнес форумының күн тәртібінде айрықша орынға ие болғанына қуанамыз",- деді президент. Н.Назарбаевтың айтуынша, Орталық Азия елдерінің географиялық ерекшелігі - олардың құрлықтың терең кіндігінде орналасуы болмақ. "Қазақстан әлемдегі мұхитқа шығар жол жоқ ең ірі елдердің бірі ретінде түрлі транзиттік-транспорттық құбыр жобаларын жүзеге асырудан мүдделі және оларды қолдауға дайын",- деді мемлекет басшысы.
Оның пікірінше, "теңізге шығар жол жоқ дамушы елдердің Алматы іс-қимылдар бағдарламасын тиімді жүзеге асыру мәселелеріне баса назар аудару қажет". "Орталық Азия мен АСЕАН елдері арасындағы аймақаралық ынтымақтастықты одан әрі дамыту үшін АСЕАН+Орталық Азия саяси және экономикалық диалогын құру орынды болар еді",- деді Н.Назарбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан ЭСКАТО-ның СПЕКА бағдарламасын жүзеге асырудағы ролін жоғары бағалайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.