Қазақстан Эстонияның халыққа электрондық қызмет көрсету тәжірибесін үйренуге әзір
Қазақстан Эстонияның халыққа электрондық қызмет көрсету тәжірибесін үйренуге әзір, деп хабарлайды Kazakhstan Today агенттігінің тілшісі.
Астана. 21 - сәуір. Kazakhstan Today - Қазақстан Эстонияның халыққа электрондық қызмет көрсету тәжірибесін үйренуге әзір, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, мемлекет басшысы Нұрсұлтан Назарбаев Эстония Республикасының Премьер-министрі Андрус Ансиппен кездескен. Кездесуде Эстония Премьер-министрі ҚР Президентіне IT-технологиялар саласындағы Эстонияның тәжірибесі туралы әңгімеледі, деп хабарлайды Ақорда баспасөз қызметі.
"Біз сіздердің мамандарыңызды шақыруға және Эстонияның халыққа электронды қызмет көрсету жөніндегі тәжірибесін қабылдауға дайынбыз", - деп атап өтті Мемлекет басшысы.
Хабарламада айтылғандай, 2000 жылдан бастап Эстонияда Еуропадағы үздік электронды үкімет жүйесі енгізілген. Халыққа электронды қызмет көрсететін дерекқорда 500-ден астам атаулар сақтаулы.
Сондай-ақ тараптар екіжақты ынтымақтастықты дамыту мәселесін талқылады.
"Құрметті Президент мырза, Сізді өткен президенттік сайлаудағы жеңісіңізбен құттықтауға рұқсат етіңіз. Біз үшін Сізді Эстонияда мемлекеттік сапармен қабылдау үлкен құрмет. Сіздің сапарыңыз өте үлкен әлеуетке ие біздің елдеріміздің арасындағы екіжақты қатынастарды тереңдетуге көмектесетініне сенемін. Осының бәрі энергетика тақтатасы, ауыл шаруашылығы, көлік-транзит саласы, эстондық порт арқылы батыс нарығына жүк тасымалдау салаларындағы екіжақты ынтымақтастықты дамытуға серпін береді", - деп атап өтті Андрус Ансип.
Фото: logycom.kz.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.