Қазақстан Эстонияның "жасыл экономика" мен энергия үнемдеу технологияларына қызыушылық танытады
ҚазАқпарат агенттігінің хабарлауынша, бүгін Астанада өтіп жатқан Қазақстандық-эстондық бизнес форум барысында сөз сөйлеген ҚР Премьер-министрі Кәрім Мәсімов осылай мәлім етті.
Астана. 6-қыркүйек. Kazakhstan Today - Қазақстан Эстонияның "жасыл экономика" мен энергия үнемдеу технологияларына қызыушылық танытады, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, бүгін Астанада өтіп жатқан Қазақстандық-эстондық бизнес форум барысында сөз сөйлеген ҚР Премьер-министрі Кәрім Мәсімов осылай мәлім етті.
Сөз арасында Үкімет басшысы Эстония Қазақстанның ұзақмерзімді әріптесі саналатынын жеткізді. "Қазақстан мен Эстонияның қарым-қатынасы достық пен ынтымақтастықтың қағидаттарына негізделген. Бүгінгі күні Қазақстанда 54 бірлескен кәсіпорын сауда, қаржы және азаматтық құрылыс салаларында табысты қызмет етуде. Ирине, бұл көрсеткіш біздің әлеуеттерімізді толық көрсетіп отырған жоқ. Ендеше, бүгінгі форум біздің өзара тиімділікке ұмтысымызға септік болып, біздердің іскерлік орталарымызға да зор мүмкіндіктер ұсына алады", - деді ҚР Премьер министрі
Сондай-ақ, Үкімет басшысы қазақстанның Эстониядан инновациялық технология тартуға қызығушылық танытатынын жеткізді. "Көлік, авиация тасымалы секілді дәстүрлі ынтымақтастықтан бөлек, Эстония тарапы үлкен жетістіктерді еңсерген "жасыл экономикаға", энергия үнемдеу технологияларына қызығушылық танытады. Біз Қазақстанда осы бағытты игеруді енді ғана қолға ала бастадық. Сондықтан да, бұл бағытта тәжірибе жинақтаған эстониялық компаниялардың үлгісін қарастырып көргіміз келеді", - деді Үкімет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.