АСТАНА. 3-шілде. Kazakhstan Today. Қазақстан барлық мүдделі тараптармен, соның ішінде Еуро-Атлантикалық әріптестік кеңесі аясындағы әріптестерімен энергетикалық диалогқа әзір. Бұл туралы Еуро-Атлантикалық әріптестік кеңесінің қауіпсіздік форумына қатысқан Қазақстан СІМ делегациясының жетекшісі Рәпіл Жошыбаев мәлім етті, деп хабарлайды Kazakhstan Today тілшісі ҚР СІМ-нің баспасөз қызметіне сілтеме жасап.
Македониядағы кездесу Ауғанстан, Косово мен Балқанның болашағы, энергетикалық қауіпсіздік мәселелерін талқылауға арналды. Р.Жошыбаев қатысушыларды энергетикалық қауіпсіздік саласындағы халықаралық ынтымақтастыққа қатысты Қазақстанның ұстанымдарын жеткізді.
Еуро-Атлантикалық әріптестік кеңесінің қауіпсіздік форумы Солтүстік Атлантикалық Альянстың бастамасымен өткізілетін жоғары деңгейдегі жыл сайынғы бейресми кеңес болып табылады. Оған сыртқы саяси және әскери ведомстволардың басшылары, көрнекті саяси қайраткерлер, академиялық топтардың, БАҚ және үкіметтік емес ұйымдардың өкілдері қатысады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Еуро-Атлантикалық әріптестік кеңесі аясындағы әріптестерімен энергетикалық диалогқа әзір - ҚР СІМ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.