АСТАНА. 11-маусым. Kazakhstan Today. Қазақстан Ғаламдық бастамаға қатысушылардың үшінші кездесуі барысында ядролық лаңкестікпен күреске қатысты өз ұсыныстарын таныстырады.Бұл туралы кездесуді ашқан ҚР СІМ Марат Тәжин құлағдар етті, деп хабарлайды Kazakhstan Today тілшісі.
Еске сала кетейік, бүгін Астанада ядролық лаңкестікпен күрес жөніндегі Ғаламдық бастамаға қатысушылардың үшінші кездесуі өтуде, оған әлемнің 50 елінің өкілдері қатысып отыр. Кездесу барысында бастама аясындағы жұмыстардың алғашқы қорытындысы мен қатысушы елдердің бастаманың жұмыс жоспарына енгізетін жаңа ұсыныстары қаралмақшы. Сондай-ақ, жаңа қатысушыларды қабылдау рәсімі өткізіледі. Кездесуге Ресей жағынан РФ СІМ-нің орынбасары Сергей Кисляк пен АҚШ мемлекеттік хатшысының орынбасары Джон Руд төрағалық етуде.
Ядролық лаңкестікпен күрес жөніндегі Ғаламдық бастаманы АҚШ және РФ президенттері 2006 жылдың шілде айында өткен "Үлкен сегіздік" саммитінде Санкт-Петербургте ұсынған. Бастамаға G8 елдері (РФ, АҚШ, Франция, Германия, Ұлыбритания, Жапония, Италия, Канада), сондай-ақ, Қытай, Австралия, Қазақстан, Түркия және Марокко елдері біріккен. Бастамаға Халықаралық атом энергиясы агенттігі бақылаушы ретінде қатысуда (МАГАТЭ).
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Ғаламдық бастамаға қатысушыларға ядролық лаңкестікпен күреске қатысты өз ұсыныстарын таныстырады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.