Қазақстан Грузия мен Оңтүстік Осетия арасындағы шиеленісті реттеу жоспарына қол қойылуын қолдайды
Қазақстан Грузия мен Оңтүстік Осетия арасындағы шиеленісті реттеу жоспарына қол қойылуын қолдайды
Астана. 18 тамыз. "Қазақстан Бүгін" - Қазақстан Грузия мен Оңтүстік Осетия арасындағы шиеленісті реттеу жоспарына қол қойылуын қолдайды. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев журналистер сауалына байланысты мәлім етті,- деп хабарлайды Қазақстан Бүгін тілшісі.
"Біз Ресей және Франция президенттері форматын келісіп, кейін оған Грузия мен Оңтүстік Осетия қосылған шиеленісті реттеу жоспарына қол қойылуын қолдаймыз. Бұл аталған күрделі проблеманы шешуге саяси-құқықтық негіз қалайтын оңды факт екені сөзсіз. Шиеленісті бейбіт жолмен реттеуге балама жоқ", -деді Е. Ашықбаев.
"Осыған сай біз реттеу жұмыстары БҰҰ жарғысымен, ЕҚЫҰ-ның Хельсинкидегі қорытынды актісімен, сондай-ақ, 1966 жылғы азаматтық және саяси, экономикалық, әлеуметтік және мәдени құқықтар жөніндегі халықаралық пактілермен айқындалған құқықтық кеңістікте жүргізілуге тиіс деп санаймыз", -деді СІМ өкілі.
Оның айтуынша, "Қазақстан бұл өңірде гуманитарлық апат болып жатқанын байқап отыр және сол себепті бүгінде зардап шеккен қарапайым азаматтарға қайырымдылық көмектің кедергісіз жеткізілуін қамтамасыз ету - аса маңызды міндет болмақ".
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.