Қазақстан инновациялық өндірістер құруда Чехияның инвестициясын тартудан мүдделі - Қазақстан президенті
Қазақстан инновациялық өндірістер құруда Чехияның инвестициясын тартудан мүдделі - Қазақстан президенті
Астана. 5 мамыр. "Қазақстан Бүгін" - Қазақстан инновациялық өндірістер құруда Чехияның инвестициясын тартудан мүдделі. Бұл туралы Елбасы Нұрсұлтан Назарбаев бүгін Чехияның Қазақстандағы төтенше және өкілетті елшісінің сенім грамотасын тапсыру рәсімі кезінде мәлімдеді, деп хабарлайды агенттік тілшісі.
"Біз үшін жоғары технологиялы инновациялық өндірістер құруда Чехияның инвестициясын тарту аса қызығушылыұқ тудырады", - деді президент. Осы орайда ол "ұлттық қорлар, өңдеу өнеркәсібі, ауылшаруашылығы саласы, шағын және орт а бизнес салалары бойынша ынтымақтастықтан үлкен келешекті болжайтынын" атап өтті.
Н.Назарбаевтың айтуынша, Қазақстан Чехия Республикасымен арадағы байланысқа айрықша маңыз береді. "Біздің елдеріміздің арасында саяси диалог орнаған, қажетті келісімдерге қол қойылды, ынтымақтастықтың абсым бағыттары айқындалды", - деді президент.
Өз кезегінде Қазақстандағы Чехия елшісі Бедржих Копецки рәсімнен кейінгі брифингте екі жақты ынтымақтастықты дамыту үшін екі елдің "үлкен әлеуеті бар екенін, оны әсіресе экономика саласында пайдалануға болатынын" атап өтті.
ҚР статистика жөніндегі агенттігінің мәліметінше, екі ел арасындағы тауар айналымы өткен жылы 194 млн долларға жетті, ал 2006 жылы ол 157 млн долларды құраған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.