Қазақстан Қара теңіз экономикалық-энергетикалық форумында аймақтағы ытымақтастықты одан әрі дамыту жөніндегі жоспарларын таныстырды
Жуырда Қазақстан Республикасының Экономикалық даму және сауда министрі Қ.Келімбетовтің Ыстамбұл қаласына жұмыс сапары болып өткен.
Астана. 6-желтоқсан. Kazakhstan Today - Қазақстан Қара теңіз экономикалық-энергетикалық форумында аймақтағы ытымақтастықты одан әрі дамыту жөніндегі жоспарларын таныстырды, деп хабарлайды Kazakhstan Today агенттігінің тілшісі.
Бұл туралы ҚР Түркия Республикасындағы елшілігінен хабарлады.
ҚазАқпарат агенттігінің хабарлауынша, жуырда Қазақстан Республикасының Экономикалық даму және сауда министрі Қ.Келімбетовтің Ыстамбұл қаласына жұмыс сапары болып өткен.
Министр Қара теңіз экономикалық-энергетикалық форумының жұмысына қатысып, Қазақстанның келешегі мен аймақтағы экономикалық және энергетикалық ынтымақтастықты одан әрі дамыту жөніндегі жоспарлар туралы бірнеше жалпы отырыстарда сөз сөйледі.
Сапар барысында Қ.Келімбетовтің "Айдын" университетінің студенттері үшін Қазақстан экономикасының жетістіктері және бауырлас Қазақстан мен Түркия арасындағы екіжақты ынтымақтастықты кеңейту туралы дәрісі ұйымдастырылды.
Сапар шеңберінде Қ.Келімбетовтің экономикалық мәселелер жөніндегі ТР Вице-премьері Или Бабаджанмен, ТР Қаржы министрі Мехмет Шимшекпен екіжақты жүздесулері, сондай-ақ "Чалык Холдинг" басқарма төрағасы Ахмет Чалыкпен кездесуі болып өтті.
Өткен кездесулерде Қазақстан мен Түркияның энергетика және экономикалық даму саласындағы екіжақты, сондай-ақ көпжақты ынтымақтастық мәселелерінің кең ауқымы талқыланды. Түрік тарапы қазақстан-түрік қатынастарының экономикалық даму қарқынына жоғары баға берді. Бұл тұрғыда екі бауырлас халықтар арасындағы жан-жақты байланыстарды, олардың ішінде ерекше орын алатын бірлескен білім беру бағдарламаларын да одан әрі тереңдетуге ұдайы көңіл бөліп отырған екі мемлекет басшыларының айтарлықтай рөлі атап өтілді.
Сапардың аяғына қарай министр көрнекті қазақ түркітанушысы және жазушы-романист Немат Келімбетовтің түрік тілінде жарыққа шыққан кітабының Ыстамбұл қаласында өткен таныстырылымына қатысты. Іс-шараға Қазақстанның Түркиядағы Елшісі Ж.Түймебаев, білім және мәдениет саласындағы бірқатар ыстамбұлдық унивесрситеттер мен қоғамдық ұйымдар өкілдері, ҚР-дің Стамбұлдағы Бас консулдығының қызметкерлері, қазақстандық студенттер, сондай-ақ жергілікті ғылыми және шығармашылық қауымының өкілдері қатысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.