Қазақстан Каспий айдынын ішкі сулар, аумақтық теңіз, балық аулау аймақтары мен ортақ су кеңістігі деген принциппен бөлісуді талап етеді
Қазақстан Каспий айдынын ішкі сулар, аумақтық теңіз, балық аулау аймақтары мен ортақ су кеңістігі деген принциппен бөлісуді талап етеді.
Астана. 16-қазан. "Қазақстан Бүгін" - Қазақстан Каспий айдынын ішкі сулар, аумақтық теңіз, балық аулау аймақтары мен ортақ су кеңістігі деген принциппен бөлісуді талап етеді. Бұл туралы бүгін Тегеранда өткен Каспий жағалауы елдері мемлекет басшыларының екінші саммитінде сөз сөйлеген Қазақстан Республикасының президенті Нұрсұлтан Назарбаев мәлім етті, деп хабарлайды "Қазақстан Бүгін" агенттігінің тілшісі.
"Біз Каспий айдынын ішкі сулар, аумақтық теңіз (кемінде 12 теңіз милі), балық аулау аймақтары (25-30 теңіз милі) мен ортақ су кеңістігі деген принциппен бөлісуді ұстанамыз. Біздің пайымдауымызша, аталмыш вариант ең тиімді және барлық Каспий жағалауы елдерінің мүдделеріне сай. Сонымен қатар, көрсетілген аймақтардың атауларына емес, олардың ені мен құқықтық режиміне аса назар аудару қажет",- деп атап көрсетті Нұрсұлтан Назарбаев.
"Аймақтық теңіздің сыртқы шебі, біздің пайымдауымызша, мемлекеттік шекара болып табылуға тиіс",- деп санайды ол.
Қазақстан елбасының пайымдауынша, "осы аймақтардағы барлық балық аулау құқықтарына тиісті тараптар ие болуға тиіс". "Каспий жағалауындағы елдер ашық теңізде келісілген балық аулау квотасы мен кәсіпті лицензиялау негізінде балық аулау және кеме қатынастарының бостандығы құқығына ие болады",- деп түсіндіріп өтті ол.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.