Қазақстан Каспий теңізінің түбімен тартылатын мұнай құбырларының бағытын түбі сол елге қарасты бөлікте жатқан елдермен ғана келісуді ұсынады
Қазақстан Каспий теңізінің түбімен тартылатын мұнай құбырларының бағытын түбі сол елге қарасты бөлікте жатқан елдермен ғана келісуді ұсынады.
Астана. 16-қазан. "Қазақстан Бүгін" - Қазақстан Каспий теңізінің түбімен тартылатын мұнай құбырларының бағытын түбі сол елге қарасты бөлікте жатқан елдермен ғана келісуді ұсынады. Бұл туралы бүгін Тегеранда өткен Каспий жағалауы елдері мемлекет басшыларының екінші саммитінде сөз сөйлеген Қазақстан Республикасының президенті Нұрсұлтан Назарбаев мәлім етті, деп хабарлайды "Қазақстан Бүгін" агенттігінің тілшісі.
"Каспий жағалауындағы көмірсутегі ресурстарының кенішін қарқынды игере бастау оларды тасымалдау жобаларын жүзеге асыру шартын анықтауға қатысты ең белсенді іс-әрекетті талап етеді. Қазақстан жағының пайымдауынша, мемлекеттердің экономикалық мүдделерін қамтамасыз ету мақсатында тартылатын мұнай құбырларының бағытын түбі сол елге қарасты бөлікте жатқан елдермен ғана келісу қажет",- деп мәлім етті Қазақстанның елбасы.
Н. Назарбаев Каспий теңізінің түбі мен жер қабатын бөлуге қатысты мысал ретінде "Қазақстан, Изербайжан және Ресей арасындағы қол жеткізілген келісім-шартты, оның Каспийдің солтүстік бөлігіндегі мұнайгаз қорын игеру үшін халықаралық-құқықтық базаны қамтамасыз етіп, тартымды және тұрақты инвестициялық климат құратындығын" атап өтті.
"Каспий жағалауы ішкі континенттік мемлекеттерінің барлық көлік құралдарының транзитінің еркіндігі мен басқа теңіздер мен Дүниежүзілік мұхитқа ену құқығы туралы ереже бірқатар жан-жақты халықаралық келісім-шарттарда қарастырылған, сонымен қатар конвенцияда бекітілуге тиіс",- деп атап өтті ол.
Президент, қазіргі жағдайда "сөз тек теңіз кемелері туралы ғана емес, басқа да көлік түрлері туралы, соның ішінде мұнай құбыры туралы болып отырғандығын" түсіндіріп өтті.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.