Қазақстан қазіргі заманғы қауіп-қатерлерге қарсы тұру үшін Солтүстік Атлантикалық альянспен ынтымақтасты одан әрі жалғастырады - Тоқаев
Қазақстан қазіргі заманғы қауіп-қатерлерге қарсы тұру үшін Солтүстік Атлантикалық альянспен ынтымақтасты одан әрі жалғастырады - Тоқаев
Астана. 26 маусым. "Қазақстан Бүгін" - Қазақстан қазіргі заманғы қауіп-қатерлерге қарсы тұру үшін Солтүстік Атлантикалық альянспен ынтымақтасты одан әрі жалғастырады. Бұл туралы бүгін Қазақстан парламенті сенатының спикері Қасым-Жомарт Тоқаев Солтүстік Атлантикалық альянстың Парламенттік ассамблеясының "Роуз-Рот" семинарында мәлім етті, деп хабарлайды "Қазақстан Бүгін" агенттігінің тілшісі.
"Бүгінде біз Орталық Азияда ұзақ мерзімді перспективада қауіпсіздік пен тұрақтылықты қамтамасыз етуге бағытталған халықаралық күш-жігерді пәрмендендіруге тиіспіз. Өңірдегі елдер жақын әрі белсенді ынтымақтасқан сайын, олардың халықаралық сахнадағы ұстанымының салмағы арта түседі", - деді Қ. Тоқаев.
Сенат спикерінің пікірінше, "Шанхай ынтымақтастығы ұйымы және ҰҚШҰ секілді өңірдегі ынтымақтастық саясатының берік негізін қалаған халықаралық ұйымдар да өздерінің қажеттілігін және уақытын тапқандығын дәлелдеді. Алайда, бір өкінішті жері, жаңа ғасырдың басы әлемде қауіпсіздік орната алған жоқ. Керісінше, бүгінгі күні халықаралық лаңкестікпен, экстремизммен, есірткі тасымалымен, қару-жарақ және ядролық материалдардың контрабандасымен күрестің ұзаққа созылатындығы айқын байқалып отыр".
Ақпаратты пайдаланған жағдайда "Казахстан Сегодня" ақпараттық агенттігіне
гиперсілтеме жасау міндетті.
«Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.