Қазақстан кез-келген проблеманы шешуге Қырғызстанға қолдау көрсетуге дайын - Н. Назарбаев
Қазақстан кез-келген проблеманы шешуге Қырғызстанға қолдау көрсетуге дайын - Н. Назарбаев
Астана. 17 сәуір. "Қазақстан Бүгін" - Қазақстан кез-келген проблеманы шешуге Қырғызстанға қолдау көрсетуге дайын. Бұл туралы бүгін Қырғызстан президенті Құрманбек Бакиевпен кездесуде Қазақстан президенті Нұрсұлтан Назарбаев мәлімдеді, деп хабарлайды агенттік тілшісі.
"Кездесуді ашқан Нұрсұлтан Назарбаев Қазақстанның Қырғызстанға көмектесетін кез-келген мәселені шешуге дайын екенін және екі жақты ынтымақтастықты дамытуға әзір екенін білдірді", - деді мемлекет басшысының баспасөз хатшысы Ерлан Байжанов журналистерге берген сұхбатында.
"Яғни, Қазақстанның Қырғызстан үшін кез-келген мәселені қарауға дайын екендігі және оларды оң шешуге тырысатыны туралы саяси мәлімдеме жасалды", - деді ол.
"Мемлекет басшысы Қазақстан мен Қырғызстан арасында басқа елдердің қарым-қатынасына ұқсамайтын өзгеше қарым-қатынас бар екенін атап өтті. Н. Назарбаевтың айтуынша, өзара тауар айналымы алғаш рет жарты миллиардтық межеден асып, $531 млн құраған", -деді баспасөз хатшысы.
Н. Назарбаев сондай-ақ, екі елдің таяу уақыттарда тауар айналымын $1 млрд дейін жеткізуге мүмкіндігі бар екенін атап көрсетті.
Қазақстан Қырғызстан экономикасына инвестиция жұмсау жағынан ең белсенді инвестор болып табылады, ол шетелдік 49 инвестордың арасынан бірінші орында.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.