Қазақстан Қырғызстанда инвестиция көлемі жағынан бірінші орында тұр-ҚР істері жөніндегі Қырғызстандағы уақытша өкілі
Қазақстан Қырғызстанда инвестиция көлемі жағынан бірінші орында тұр-ҚР істері жөніндегі Қырғызстандағы уақытша өкілі
Бішкек. 10 сәуір. "Қазақстан Бүгін" - Қазақстан Қырғызстандағы 49 шет мемлекеттері инвесторлары арасында инвестиция көлемі жағынан бірінші орында тұр. Бұл туралы Қазақстан Республикасының істері бойынша Қырғызстандағы уақытша өкілі Боранбек Илбергенов мәлімдеді, деп хабарлайды агенттік тілшісі.
Елшінің сөздері бойынша, Қазақстан мен Қырғызстанның инвестициялық көлемі жыл сайын ұлғаюда. 2007 жылы оның мөлшері $177,9 млн жетті, ал 2006 жылы оның көрсеткіші $136 млн құраған болатын.
"Соңғы кезде Қазақстан жағы банк саласымен қатар, аймақтық су энергетикалық ресурстары саласына назар аударып, оны халықаралық су энергетикалық консорциумы немесе бірлескен кәсіпорындарын құру арқылы пайдалануды ойластыруда", -деп атап өтті Б. Илбергенов.
"Инвестиция көлемі одан әрі қарай ұлғаятынына сенімдімін", -деп ойын толықтырды Қазақстан істері жөніндегі Қырғызстандағы уақытша өкілі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.